«Махаббат», «Өмір шіркін», «Астана» әндерін естімеген адам жоқ шығар. Бірінен кейін бірі хит әндерін жарыққа шығарып, әрдайым тыңдармандардың назарында жүретін Қайрат Баекенов және Формат тобы Көкеевтің диско-барында бейсенбілік кештің сәнін келтірді.

Аталмыш жұлдыздардың жақсы жаңалықтарымен бөлісе кетейік:

• Жылдың аяғына дейін Формат тобының 11 әннен тұратын күйтаспасы жарыққа шығады.
• «Ән әлемі» әнінің тизерін мыңдаған адам тамашалап, енді бейнебаянның тұсаукесерін күтуде.
• Осыған орай, желтоқсан айының басында youtube каналынан көптен күткен жаңа бейнебаянды көруіңізге болады.
• Формат тобы және оның продюсері Қайрат Баекеновтың көз жауын алатын ерекше үлгідегі сахналық киімдері хит әндердің пайда болуына байланысты шыға бастады.
• Топтың репертуарындағы әндер белгілі бір жанрға бейімделмеген. Дегенмен, рок, джаз, поп, т.б. стильдерінде еркін ән шырқайды. Қайрат Баекеновтың айтуынша, олар әдемі музыканы таңдайды.
• Қонақтар шағын концерттен кейін сүйікті әншілерімен селфиге түспей қоймады.

30 Ноября 2015

7439

Автор: администратор

Категория: Новости

Поделиться: